نظام حكاوى 14 قرش

[Ramy Mohamed Reda]

انا جالى الرسالة دى دلوقتى
مبروك سيتم تحويلك على نظام حكاوى 14 قرش هتستمتع ب14 قرش لاى رقم و ب 100دقيقة من 9ص - 3م و 100 دقيقة من 3م - 9م و100 دقيقة من 9م-9ص لارقام فودافون بجنية لكل فترة
هيكون برضة فى رسم فتح مكالمة فى النظام الجديد

[د/أحمد توفيق]

أنا كمان جاتلي نفس الرسالة، ودي تالت مرة فودافون تعملها معايا، ودا أسلوب مستفز جدا بصراحة، أنا لو عاوز أحول لنظام تاني هحول، ليه تجبرني بالتحويل وأرجع أحول تاني لنظامي القديم !!، واللي يغيظ أكتر اني أكلم خدمة العملا مرة واتنين وتلاتة ومحدش يرد والخط يفصل، طيب طالما فيه مشكلة وعبء زي مابتقولوا، مشغلين الخدمة ليه !! ..

رجاء يافودافون، بلاش التدخل في أنظمة العملا، كفاية أوي تقوليلي العرض، وأنا لو عاوز أحول هحول بنفسي
ورجاء تكون خدمة العملا وسماع شكاويهم أفضل من كده
ورجاء أنا معرفش اذا كان تم تغيير نظامي بالفعل لحكاوي 14 قرش ده ولا لسة، بس ياريت ميتغيرش، ولو اتغير ياريت حضراتكم تقولولي أقدم شكوى فين عشان فودافون ترجع نظامي القديم وماتغيرش نظامي بعد كده من نفسها ..

[Garah Alhob]

هو حضرتك اما بيغير النظام تلقائي بنفسه ممكن حضرتك تتصل على 880 وترجع نظام تاني مجانا انا كانت حصلت معهايا قبل كده واتصلت بخدمة العملا وخسرت رصيد بسبب اني اكلمهم وبعد كده اكتشفت انه الحل اسهل مايكون وهو انى اتصل على 880 واختار النظام اللى كنت عليه ومجانا مش برصيد

[Sarah]

@Ramy Mohamed Reda


بعدها بتتحاسب يا رامي بسعر الدقيقة 14 قرش + 16 قرش رسوم فتح المكالمة مع أول دقيقة لفودافون

[Sarah]

@د/أحمد توفيق

ممكن ترجع لنظامك القديم عن طريق 880 و تقدر تبعتلنا شكوي علي اللينك ده برقمك و التفاصيل:
http://bit.ly/knU25l

[Eslam Abdelhady Mohamad]

رسم فتح المكالمة على كل مكالمة ولا اول دقيقة فى اليوم بس؟؟؟
ويا ترى امتى هيكون متاح لكل العملاء؟؟؟

[totya]

انا جاتلى الرساله وبالفعل حولونى للنظـام حكاوى 14 قرش

[ahmed hamza]

سلام عليكم
انا جاتلي نفس الرسآله المذكوره مبروك سيتم تحويلك على نظام حكاوى 14 قرش هتستمتع ب14 قرش لاى رقم و ب 100دقيقة من 9ص - 3م و 100 دقيقة من 3م - 9م و100 دقيقة من 9م-9ص لارقام فودافون بجنية لكل فترة

استفساري حول هذا النظام

1- هو انا اقدر احول للنظام اللى انا كنت عليه من خلال رقم 880 مجانا ولا أيه ؟
2- لو كان التحويل مجانآ ، ما هي الفتره التي يكون فيها التحويل مجآنآ ، بمعني لو كان هذا النظام تجريبي ؟
3- ما هي رسوم فتح المكالمه وهل هي كل مكالمه ولآ مره واحده في اليوم ؟
4- هل يوجود كود يعرفك الدقائق المتبقيه كل فتره ؟ زي كود اهل مصر *6060# ولا آيه ؟
5- انا كنت مشترك فى حكاوي ساعات اكتر القديم وهو 120 دقيقه بـ 1.25 قرش ، في الفتره من 3 الى 9 لو انا خلصت الدقائق مثلا قبل الساعه 6 عند اجراء مكالمه بعد الساعه 6 مباشره هل يتم محاسبتي بسعر الدقيقه العاديه 14قرش ولا بسعر 1.25 قرش ؟
5- لو تم محاسبتي بسعر 1.25 قرش وانا مش خلصت الدقايق بتاعه حكاوي ساعات اكتر وعملت مكالمه بعد الساعه تسعه ، هيكمل ليا الدقايق المتبقيه فى عرض حكاوي ساعات اكتر ولا هيفتح فى الفتره من 9 م لـ 9 ص ؟

ياريت ترد عليا بقى لكل نقطه على حدي

[Sarah]

@ahmed hamza

1-تقدر تحول من خلال 880 مجانا لمدة أسبوع واحد فقط من تاريخ التحويل2
3- 16 قرش رسوم فتح المكالمة
4- مفيش كود تعرف من خلاله الدقائق المتبقية
5- عرض حكاوي ساعات أكتر القديم مش شغال مع نظام حكاوي 14 قرش

[Sarah]

@Eslam Abdelhady Mohamad

16 قرش رسوم فتح المكالمة و هيكون متاح لجميع العملاء علي مراحل